నా corporate కథలు... 2.Bench కష్టాలు Part 2

                                                                     అది  Bench లో ఆనందంగా కాలం గడిపేస్తున్నసమయం.ఒక రోజు(బుధవారం) నాకు Resource Manager assistant నుండి ఫోన్ వచ్చింది at 10am. ఎక్కడ ఉన్నారు? అని అడిగారు. ఇక్కడే మా పాత కంపెనీ Managerని కలవ టానికి వచాను అని చెప్పాను.త్వరగా ఆఫీసు కి రండి, మీటింగ్ ఉంది అన్నారు.నాకు ఒక గంట పడుతుంది అని చెప్పాను.పర్వాలేదు రండి అని అన్నారు.

          అనవసరంగా మా వెధవ batch ని  follow అయ్యాను. ఈ రోజు నన్ను పట్టేసుకుంటారు అని అనుకుంటూ , ఆఫీసుకి వెళ్లటానికి రెడీ అయ్యాను.ఈ లోగ ఇంకో ఫోన్.మా batch వాడు. నీకు ఫోన్ వచ్చిందా అన్నాడు, ఆ వచ్చింది అందుకే బయలు దేరాను అని చెప్పాను."ఎంత time లో ఆఫీసు కి వస్తాను అన్నావ్? "అని అడిగాడు.నీకు తెలుసు కదా మా ఇంటి దగ్గరి నుండి ఒక గంట పడుతుంది , అందుకే 1 hour అని చెప్పాను అని అన్నాను.

నువ్వు చాలా ధైర్యవంతుడివి , నేను  10 నిమిషాలు అనే చెప్పాను.ముందు మా ఇంటికి రా, ఇద్దరం కలిసి వెళ్దాం అని అన్నాడు.hmm, వాడి ఇల్లు KPHB, మా ఇల్లు Nizampet Road.ఆ రోజు మా దురదృష్టం ఇంకా బాగుంది.వాడిని తీసుకుని Hitech city వైపు వెళ్తుంటే big traffic jam.

ఆ సమయం లో వాడి ఫోన్ రింగ్ అయ్యింది.వాడు నా బైక్ నడుపుతున్నాడు.ఆ ఫోన్ నాకు ఇచ్చి మాట్లాడు అన్నాడు.ఎవరో అమ్మాయి ఫోన్ చేసింది అన్నాను. పర్వాలేదు మాట్లాడు అన్నాడు.ఆ అమ్మాయి మాతో పాటు bench లో ఉన్న్న అమ్మాయి. తనకి కూడా ఫోన్ వచ్చింది అట.ఎక్కడ ఉన్నావ్ అని అడిగితె , "Resource Manager room బయట ఉన్నాను ! " అని చెప్పింది అట. ఇప్పుడే ఇంటి దగ్గర బయలు దేరాను, ఇంకో 2 గంటల్లో అక్కడ ఉంటాను.వాళ్ళు అడిగితె బయట కనపడ్డాను అని చెప్పండి అని request చేసింది.hmmm, వీళ్ళు నాకన్నా ఘనులే అని అనుకున్నాను.

మేము Meeting Room లోకి వెళ్ళిన ఒక గంట తర్వాత మా Resource Manager వచ్చి same class పీకి (Attitude is life)వెళ్ళారు.ఆ తర్వాత గంటకి ఆ అమ్మాయి వచ్చింది.

నా corporate కథలు... 5.నా విదేశి యానం - U.K/USA/Canada/Malaysia - Part 2

                                                  మరి కొన్ని రోజుల తర్వాత, మళ్లీ మా manager గారు నన్ను పిలిచారు , రమణ గారు మీరు రేపు పొద్దున్న ఒక client interview కి వెళ్ళాలి, రేపు సాయంత్రం USAకి వెళ్ళాలి అని చెప్పారు.సరే అని నా సీట్ దగ్గరికి వెళ్లి కూర్చునాను. మళ్లీ శ్రీనివాస్ గారు congratz  చెప్పారు. ఈ సారి నేను ఎవ్వరికి అసలు విషయం చెప్పలేదు.........(మీకు చెప్పీస్తునాను- నాకు Passport ఇంకా రాలేదు!).
 
USA Chance :
                                తర్వాతి రోజు Client నుండి Phone రాలేదు.నేను వెళ్లి manager గారికి ఆ విషయం చెప్పాను.Manager గారు విషయం కనుక్కుని చెపుతాను అని అన్నారు.తర్వాతి రోజు పొద్దూన్న చెప్పారు, ఆ Project మనకు రాలేదు.మీరు బాధ పడకండి , నేను మీకోసం ఇంకో మంచి Project చూస్తాను అన్నారు.

నేను మాత్రం ప్రశాంతంగా నా seatలో కూర్చొని ఆనందంగా ఉన్నాను. Passport apply చేసే  ప్రయత్నాలు మానలేదు.

అలా Passport లేకుండా U.S.A వెళ్ళే ఛాన్స్ వచ్చి , వెళ్ళింది...................!
Canada Chance:
          ఇంతలో నాకు సంబంధించిన Technology మీద interviews జరిగి , నేను ఇంకో Team లోకి వెళ్లాను.

                       నా passport కూడా చేతికి వచ్చింది.

                                             ఒక రోజు నా పాత colleague , Narasimha కనపడితే ఏవో పిచ్చాపాటి మాట్లాడుతున్నప్పుడు , వాళ్ళు వెతుకుతున్న Technology మీద నేను పని చేసి ఉన్నాను అని అర్థం అయ్యింది. దానితో తాను ఎగిరి గంతు వేసాడు. నాకు ఏమి అర్థం కాలేదు!

వాళ్లకి  Canada వెళ్ళేటందుకు ఒక వ్యక్తి కావాలి. మా General Manager తో మాట్లాడి  phone చేస్తాను అని చెప్పాడు.సరే ఈ సారి ఏమి అయ్యిద్దో చూద్దాం అనుకున్నాను.

                                              సరిగ్గా అర్థ రాత్రి నాకు ఫోన్ వచ్చింది. నరసింహ వాళ్ళ  General Manager గారు మాట్లాడారు...... ఆయనకీ అర్థం అయ్యింది, ఇక ఆలస్యం చెయ్యకుండా మా  General Manager పేరు అడిగారు. ఇంకో 2 రోజుల్లో సిద్ధంగా ఉండండి మా Team లో కి వచ్చేయ్యటానికి అని చెప్పి  phone disconnect చేశారు.

               2 కాస్త 4 అయ్యింది , 4 కాస్త 8 అయ్యింది ...నాకు అర్థం కాలేదు. Narasimhaకి ఫోన్ చేసాను. ఏమి అయ్యిందో తెలియదు రమణ , నాకు 4 Resumeలు పంపించారు. వీటిలో ఒక్కళ్లని Select చేసుకుని Canada తీసుకెళ్లండి అని చెప్పారు. వీళ్లల్లో ఒక్కడికి కూడా నాకు కావాల్సిన Technology రాదు. నువ్వే వెళ్లి మీ General Managerని అడుగు అని చెప్పాడు.

General Manager Meeting:
Me : sir, నేను Onsite - Canadaకి XYZ Team GM అడిగితె,  నా CV పంపించాను.
మీ దగ్గర అది ఆగిందని విన్నాను.
GM:  అవును రమణ , నేనే ఆపాను.
Me: ఎందుకని  sir?
GM:  ఆ Canada chance కేవలం 3 నెలలు మాత్రమే , నాకేమో నిన్ను అమెరికా permanent గా పంపాలని ఉంది!
Me: ముందు Canada చూడండి  sir, వాళ్లకి కావాల్సిన Technology నాకు వచ్చు. అందుకే వాళ్ళు నన్ను అడిగారు.
GM: నువ్వు ఎన్ని ఐన చెప్పు  రమణ , నాకు నిన్ను అమెరికా మాత్రమే పంపాలని ఉంది.

Me: Ok sir, meet you later........

అలా  వెళ్లిన మా GM ఆణిముత్యం team ,  ఒక 6 నెలలు అక్కడ ఉండి , ఏవో కొన్ని Management escalationsతో మళ్ళీ వెనక్కు వచ్చి పడ్డారు.

ఇంతలో  నా Team లో అడిగారు మలేషియా ఎవరు వెళ్తారు అని....!మా Team mate కిరణ్ resign చేసాడు , వెంటనే అతన్ని మలేషియా పంపిస్తాం ఆగు అని చెప్పారు. తాను చాలా తెలివైన వాడు (ఇంతకూ ముందు Team lead గా పని చేసి ఎంతో కొంత  Corporate పొలిటిక్స్ నేర్చుకున్న వాడు).మీ చావు మీరు చావండి. నన్ను వదిలెయ్యండి అని చెప్పాడు. 

                       ఇంతలో నాకు ఒక జాబ్ వచ్చింది. వెంటనే మలేషియా వెళ్ళటానికి నన్ను పట్టుకున్నారు. నేను over- action చేస్తూ ఏమి చెప్పానో తెలుసా ...........................!

                            నేను USA కంపెనీ కి APAC-EMEA టీం కి పని చెయ్యాలి. నేను ప్రతి నెల ఒక Europe, Asia countryకి వెళ్ళాలీ...............!

                       

నా corporate కథలు... 4.నా విదేశి యానం - U.K/USA/Canada/Malaysia - Part 1

                                                     అలా రెండు నెలలు Project చేసిన తర్వాత మళ్లీ back to bench.ఈసారి bench లో ఉన్నవాళ్ళు హడలి పోయేలా , మా Resource Manager ఒక మెయిల్ పెట్టాడు.ఇంకొక నెలలో మీకు Hyderabadలో జాబు వస్తే చెయ్యండి. లేదంటే నేను ఎక్కడకి పంపిస్తే అక్కడకు(Bangalore/Chennai/Kerala/Mumbai) వెళ్లి job చెయ్య టానికి ready గా ఉండండి.మీకు ఏమైనా  Attitude Problems ఉంటె నా దగ్గరకు రండి అని చెప్పాడు.కొంత మంది పెళ్లి ఐన వాళ్ళు వెళ్లి వాళ్ళ కష్టాలు చెప్పు కున్నారు. "వాళ్ళు అందరికి  మంచి Attitude లేదు " అని ఒక ముద్ర వచ్చింది.ఇక నేను ముందుకు వెళ్ళలేను , వెనక్కి వెళ్ళ లేను. ......................ముందుకు వెళ్తే నాకు Attitude Problem ఉంది అంటారు , వెనక్కి వెళ్తే పక్క రాష్ట్రాలకి వెళ్లి పనులు చెయ్యాలి.అలాంటి సమయంలో మా శ్రీనివాస్ గారు ఒక Project లోకి నన్ను రమ్మన్నారు.ఆ Technology నాకు తెలియదు.కొంచెం కూడా రాదు.దానికి వెళ్ళకపోతే , హైదరాబాద్ దాటి బయటకు వెళ్ళాలి.నా కళ్ళ ముందే ఇద్దరినీ చెన్నై పంపారు.ఇంగ్లీష్ సినిమా లో లాగా only 1 option to stay in Hyderabad.చివరకు నాకు రాక పొఇనా వెళ్ళాను......

వెళ్ళిన మొదటి రోజే కొత్త manager అడిగారు - నీకు technology రాదు కదా! అని. నీర్చుకుంటాను అని చెప్పాను.ఆ అమ్మాయి దగ్గర కొంచెం నేర్చుకో , ఇంకొంచెం ఆ అబ్బాయి దగ్గర నేర్చుకో అని నన్ను పంపించారు.
ఆ అమ్మాయి , చేసే కొంచెం workకి చాలా కష్ట  పడుతున్నట్టు buildup ఇచ్చేది. తన కింద ఉన్న juniors ని కసురుతూ , విసురుతూ ఉండేది................................ ఇంకో కొత్త వెధవ వచ్చాడు, వీడికి కూడా నేర్పించాలా అని మొఖం పెట్టింది......!తన దగ్గ ఒక 10 నిముషాలు ఉన్న తర్వాత నా జీవితం మీద నాకే విరక్తి కలిగింది!....................................మా శ్రీనివాస్ గారికి ఆ విషయం వెంటనే అర్థం అయ్యినట్టు ఉంది. తను వచ్చి ఆ అమ్మాయిని "Technology మీద ఒక పుస్తకం ఉంటె ఇవ్వండి చాలు , మీరు ఇతనికి ఏమి చెప్పనవసరం లేదు అని చెప్పారు."She gave me a book.బ్రతుకు జీవుడా! అని అనుకుంటూ , అక్కడి నుండి నా సీట్ దగ్గరకు వెళ్లాను.

UK Chance :
                            వారం రోజులు గడిచాయి.ఆ manager మళ్లీ   నా దగ్గరకు వచ్చి , రమణ గారు మీరు urgent గా U.K వెళ్ళాలి. మీకు అభ్యంతరం ఏమైనా ఉందా? అన్నారు.నాకు ఏమి లేదు అన్నాను.ఐతే మీరు ఆ అబ్బాయి దగ్గర మిగతా Technology నేర్చుకుని Ready  గా ఉండండి అని చెప్పి, తను వెళ్లి పోయారు.శ్రీనివాస్ గారు వెంటనే congratz చెప్పారు. తనని బయటకి తీసుకు వెళ్లి చెప్పాను- సర్ , "నాకు  Passport లేదు".శ్రీనివాస్ గారు నన్ను Passport Apply చెయ్యండి త్వరగా అని చెప్పారు.
                                     అలా ఒక పక్క రాని Technologyని నేర్చుకొంటూ , ఇంకో పక్క లేని Passport apply చేస్తూ ఉండగా......మా Manager చెప్పారు : రమణ గారు UK Chance వేరే location లో  ఉన్న వాళ్ళు తీసుకున్నారు.ప్రస్తుతానికి మీరు Technology ఇంకా నేర్చుకోండి అని చెప్పారు.
                                         అలా Passport లేకుండా U.K   ఛాన్స్  వచ్చింది , ఇంకా చెప్పాలి అంటే వెళ్ళింది కూడా!

నా corporate కథలు... 3.Bench Girl Friend

 ఎప్పుడూ Bench కష్టాలేనా అంటారా..... అనుకోకుండా ఒక Girl Friend కూడా దొరికింది Bench Timeలో.మా Technology మీద పని చేసే అమ్మాయి...! పేరు ......................నిజంగా గుర్తు లేదు.

    ఆ 2nd interviewకి  prepare అయ్యే సమయం లో , పని పాట లేకుండా చెట్ల కింద తిరిగే సమయం లో మా పైన మేమే jokes వేసుకుంటూ గడిపేసే వాళ్ళం(all bench mates).నాకు చక్కగా కంటి నిండా నిద్ర దొరికిన సమయం కూడా ఆ Bench Time.ప్రతి రోజు night 8 కి పొడుకుని , పొద్దున్నే 5కి నిద్ర లేచే వాడిని.నిద్ర లేచిన తర్వాత phone చూసుకుంటే , అ అమ్మాయి నుండి వచ్చిన  empty messages ఉండేవి.ఒక 3 రోజులు చూసాను. 4th రోజు అడిగాను ప్రతి రోజు night 10కి empty messages వస్తున్నాయి మీ mobile నుండి! "Phoneలో ఏదో ప్రాబ్లం ఉంది అందుకనే వస్తున్నాయి అంది".

                                తర్వాత ఒక రోజు అడిగింది , మీరు సినిమా లు చూడరా అని!అప్పుడు "నేను చూస్తాను , కాని ఆంగ్ల చిత్రములు "మాత్రమె. తెలుగు అస్సలు చూడను అని చెప్పాను.మరి మన రాజమౌళి సినిమాలు కూడా చూడరా అని అడిగింది. రాజ మౌళి సినిమాలి మీద నా అభిప్రాయం ఇంతకూ ముందు నా బ్లాగ్లో రాసాను.(ఒక సారి చదవ గలరు.).వాడి సినిమాలు అస్సలు చూడను అని చెప్పాను. అప్పట్లో ఈగ సినిమా వచ్చింది.......చాలా రోజుల తర్వాత or చాలా సంవత్సరాల తర్వాత ఒక రోజు t.v.లో ఈగ సినిమా వస్తే చూసాను, మీరు కూడా చూస్తే empty messages అంటే అర్థం అయ్యి ఉంటుంది....లేకపోతె ఈగా సినిమా చూడుడి!

                                 ఆ సమయంలో అనుకోకుండా నేను ఒక Projectకి select అయ్యి , team లో join అయ్యాను.వాళ్ళు నాకు ముందే చెప్పారు " ఈ Project కేవలం 2 నెలలు మాత్రమె ఉంటుంది అని" "ఖాళీగా చెట్ల కింద తిరగటం కన్నా, AC room లో ఉండటం మిన్న" అన్నారు పెద్దలు. వెంటనే వెళ్ళిపోయాను.

                                   నేను వెళ్ళిన వారం రోజులకు ఆ అమ్మాయి కూడా అదే Projectలోకి వచ్చింది but on permanent basis.వచ్చిన 2nd day తను నన్ను బయటకు రమ్మని పిలిచింది.బయటకు వెళ్ళిన తర్వాత ,  తనకు ఇంకో job వచ్చింది అని, ఆ job లో night shifts  ఉండవు అని, ఇంకా జీతం కూడా ఎక్కువ ఇస్తారు అని చెప్పింది.
పరోపకారార్థం ఇదం బ్రెయిన్ అంటారు కదా! , వెంటనే ఆ job లోకి వెళ్లి join అవ్వమని చెప్పి , మంచి మంచి ఉదాహరణలు ఇచ్చాను.అలా తనకు ఉపదేశం చేసిన తర్వాత తనతో కలిసి మా office room లోకి వచ్చాను.ఎదురుగా మా Team Lead.మళ్లీ తర్వాత రోజు same time i.e. evening time, తను నన్ను బయటకు రమ్మని పిలిచింది.వెళ్లాను , ఈ company మానెయ్యటం సరైన నిర్ణయమేనా అని అడిగింది.చెప్పే వాడికి వినే వాడు లోకువ కదా! అలా నిన్నటి కన్నా ఇంకా మంచి మంచి ఉదాహరణలు ఇచ్చాను.This time she got convinced.
రెండవ రోజు మళ్లీ వెనుకకు వస్తుండగా ....ఈ సారి మా manager  చూసాడు.మూడవ రోజు , తనతో కలిసి ఆఫీసు లో డిన్నర్ చేసాను.(తను మానేస్తుంది కదా ఇక).ఈ సారి కాంటీన్ లో మళ్లీ Team Lead.....!

Day4 :
నా ప్రాజెక్ట్ రిపోర్ట్ submit చెయ్యటానికి ఆ Team Lead దగ్గరకు వెళ్లాను.ఇంకా ఒక రోజు సమయం ఇవ్వండి మిగిలి ఉన్న పని పూర్తి చేసి ఈ Project మీకు submit చేస్తాను అని అన్నాను.మా Team Lead సమాధానం : మీరు చాలా busy కదా ramana గారు. మీరు ఎంత సమయం కావాలి అంటే అంత తీసుకోండి! లేదా ఇప్పుడే ఆ Project నాకు ఇవ్వండి , మిగిలన పని వేరే వాళ్ళతో చేయిస్తా అన్నాడు.Hmm, వీడికి ఏదో పోయే కాలం వచ్చింది! ఏమి మాట్లడతన్నాడో కొంచెం కూడా అర్థం కావటం లేదు అనుకోని , వద్దులెండి , ఈ రోజే మిగిలింది కూడా చేస్తాను అని చెప్పాను.

     మళ్లీ ఆ అమ్మాయి బయటకు పిలిచింది.ఈ సారి Team Lead మరియు Manager ముందే ఇద్దరం బయటకు వెళ్లాం.వెళ్లి resignition ఇస్తున్నాను అని అంది.ALL THE BEST చెప్పి వచ్చి నా పనిలో నేను ఉన్నాను. ఆ అమ్మాయి వాళ్లకు చెప్పటం, వెంటనే వాళ్ళు తనని వెళ్ళిపో అని అనటం జరిగింది.

                                              తర్వాతి రోజు నుండి ఆ అమ్మాయి ఇక officeకి రాలేదు.నాకు ఆ project లో ఇచ్చిన 2 నెలలు సమయం అయి పోయింది.On my last working day with that project , మా Team Lead ఒక ప్రశ్న అడగుతాను ఏమి అనుకోవు కదా! అన్నాడు.....అడగండి పర్వాలేదు అన్నాను. ఇది కొంచెం Personal అన్నాడు. Its okay ,అడగండి అన్నాను."ఆ అమ్మాయి నీ Girl Friend కదా , ఇప్పుడు ఎక్కడ ఉంది? ఎలా ఉంది? అని అడిగాడు.అప్పుడు అర్థం అయ్యింది " ఆ రోజు.......... మీరు చాలా బిజీ కదా అని ఎందుకు అన్నాడో!" తనకు ఏమి చెప్పి ఉంటానో మీకు తెలుసు కదా ....! .................She was my bench mate....Thats it!
మీకు నాకు(Team Lead) ఈ projectలో ఎలా పరిచయమో! , తనకి నాకు Bench లో అలా పరిచయం అని చెప్పాను.

                   

నా corporate కథలు... 2.Bench కష్టాలు Part 3

                                                                  ఒక Friday evening Resource Manager Assistant నుండి కాల్ వచ్చింది.సారాంశం : Monday morning at 11am వచ్చి కలువు అని.ఆ రోజు వారి దర్సనం కాగానే , evening శాంతి గారిని కలువు అన్నారు.అలానే వెళ్లాను.శాంతి గారు ఒక పెద్ద list of technologies ఇచ్చారు. ఇవన్ని వచ్చా నీకు అన్నారు?వాటిలో 60% వరకు వచ్చు.మిగతావి నాకు రావు అన్నాను.సరే మిగతా వాటి గురించి నేను చూసుకుంటాను , ముందు నీకు వచ్చినవి మళ్లీ చదువుకుని రా అన్నారు.మిగతా 40% ఈ క్రింద links లో చదువు అని ఒక మెయిల్ పంపించారు.ఆనందంగా ఆ links click చేస్తే అవన్నీWikiPedia కి దారి తీసాయి.వాటిని చూసి , బూతులు తిట్టలేక , ఆమెకు technology గురించి వివరించలేక interview ఎప్పుడు? అని అడిగాను.Next day , interview పెట్టారు. Result - Interview Filed.

                                ఆ తర్వాత రోజు మా Resource Manager  గారు నన్ను పిలిచారు.బాధ పడకు రమణ అన్నారు.ఇలాంటివి జరుగుతూ ఉంటాయి, నీకు ఇంకో మంచి profile చూస్తాను అన్నారు.Its ok sir, అని బయటకు వెళ్తుంటే , ఆ interview లో అడిగిన ప్రశ్నలు మిగతా వాళ్లకి ఇవ్వు.నీకు వచ్చిన technologies అన్నీ వాళ్లకు చెప్పు, ఒక 4 నెలల నుండి వెతుకుతున్నాం , ఒక్కరు కూడా ఈ interview attempt చెయ్యటం లేదు.ఆ interview లో మిగతా వాళ్లకి కూడా same result.

మళ్లీ కొన్నాళ్ళకి Resource Manager assistant నుండి ఒక ఫోన్,ఇంటర్వ్యూ ఉంది వెళ్ళు అని.Technology details కావాలి ఇవ్వండి అన్నాను.Details are Highly secret అని చెప్పారు. Interview attempt చెయ్యాల్సింది నేను.Interview Technology దేని మీదో చెప్పండి అని అడిగాను. అది చెప్పను అని తను అంది.నాకు చికాకు వచ్చి Resource Managerని కలిసి Job Profile కావాలి అని అడిగాను.ముందు నువ్వు వెళ్లి ఇంటర్వ్యూ చేసే వ్యక్తిని కలువు తను Job Profile చెపుతాడు అన్నారు.తెగే దాకా లాగ కూడదు కదా! అనుకోని అక్కడికి వెళ్లాను.తనకి కావాల్సిన Technology నాకు రాదు.హమ్మయ్య అనుకోని next day ఆఫీసుకి వెళ్లాను to sign on Attendence.

    Resoucre Manager రూం లో ఒక అమ్మాయి ఏడుస్తుంది! నాకు పరిచయం లేదు, అందుకని మా శ్రీనివాస్ గారు వయసులో కొంచెం పెద్దవారు.తను ఏమయ్యింది అని అడిగారు.తను ఒక్కసారే పెద్దగా ఏడవటం మొదలు పెట్టింది. తనని కాసేపు సముదాయిస్తే , ఇలా చెప్పింది.......................తను Windows అనే Technology మీద పని చేసి ఇక్కడ join అయ్యింది.తనని ఇప్పటి వరకు 2 interviewలకు పంపారు.ఒక్కటి కూడా సెలెక్ట్ కాలేదు. ఇలా ఐతే ఎలా ?, నీకు ఏమి రాదు!  మా company లో ఎలా ఉద్యోగం చేస్తావ్. నీకు jobs వెతకలేక పోతున్నాను.నీలాంటి వాళ్ళు సుద్ధ దండగ! ఎందుకు వస్తారో తెలియదు.... మమ్మల్ని చంపుకు తింటారు అని మా Resource Manager గారు తిట్టారు అట. ఇంకా తను join అయ్యి 6 months అయ్యింది.
                    మా శ్రీనివాస్ గారు, "బాధ పడ వద్దు మీరు, మీకు మoచి రోజులు వస్తాయ్! బాగా ప్రిపేర్ అవ్వండి , తర్వాత interview లో తప్పక select అవుతారు "అని ధైర్యం చెప్పారు.దానికి ఆ అమ్మాయి చెప్పిన సమాధానం --> సర్ , వీళ్ళు నన్ను జావా మరియు dotnet interviews కి పంపారు. ఆ రెండు నాకు రావు. గడిచిన 5 సంవత్సరాలుగా నేను windows platform మీద పని చేసి వచాను......!అది విని నేను మా శ్రీనివాస్ గారు Shock.

Shock ఎందుకు అంటారా ...అప్పటికే నాకు benchలో 3 months గడిచాయి ఇంకా 2 interviews చేసాను.

నా corporate కథలు... Bench కష్టాలు 1 .......(1.Attitude is life)

ఇప్పటి వరకు కొన్ని Corporate Companies లో పని చేసాను.ఆ అనుభవాలు కొన్ని విచిత్రంగా, ఇంకొన్ని వింతగా , వినటానికే ఏదోలా...... ఉన్నాయి. వాటిలో కొన్ని........

XYZ అనే company లో కొత్తగా join అయ్యాను,మొదటి రోజు స్కూల్ కి వెళ్ళే పిల్లాడిలా తయ్యారు అయ్యి,company లో కి వెళ్లాను.అసలే ఈ corporate company  ఒక గవర్నమెంట్ కంపెనీ అని బయట పెద్ద talk.ఎలా ఉంటుందా! ఎవరు ఉంటారు ? ఎలా రిసీవ్ చేసుకుంటారు! అని వంద సందేహాలతో లోపలకి వెళ్లాను.
అయినా నేను fresherని కాను , నేను ఎందుకు భయపడాలి! అని కూడా అనుకున్నాను.

Day 1:
Resource Manager ని కలిసాను.వారు వెంటనే  మీలాగా కొత్తగా వచ్చిన వారికి ఒక మీటింగ్ ఉంది at 11am. దానికి రండి.మనం మాట్లాడుకుందాం అన్నారు.మొదటి సారిగా నాకు పట్టరాని సంతోషం వేసింది."ఇన్నాళ్ళు ఏ మేనేజర్ ని చూసినా పరాయి భాషలో(Hindi/English) మాట్లాడే వాడే! మొదటి సారి ఒక తెలుగు లో మాట్లాడే మేనేజర్ ని చూసాను".చాలా బాగుంది అనిపించింది.

12:30pm.. నిజమే నండి. మేనేజర్ గారు బిజీ ,అందువల్ల మా మీటింగ్  12:30కి స్టార్ట్ అయ్యింది.వారు చెప్పిన మాటలు మంత్రాల లాగా నా చెవిలో ఇంకా మార్మోగి పోతున్నాయి.
1.మీకు ప్రస్తుతానికి Project లేదు. కాబట్టి ప్రస్తుతానికి Benchలో ఉండండి.
2.ఈ సమయాన్ని బాగా సద్వినియోగం చెయ్యండి.బాగా చదవండి.trainings కి అటెండ్ అవ్వండి. certifications రాయండి.
3.మీరు పని చెయ్యలేక పోయినా నేను పట్టించుకోను, కాని  Attitude లేక పొతే మాత్రం నేను ఒప్పుకోను.
4.మీరు మంచి ఆటిట్యూడ్తో మా company లోకి రండి, ఇక్కడ ఈ రూం లో ఉన్న అందరిని ఇంకో 4 ఏళ్లలో పర దేశానికి (విదేశి యానానికి ) పంపించే బాధ్యతా నాది.
5.Attitude is life.
6.All the best

మనకి చాలా projects ఉన్నాయి.మంచి ప్రాజెక్ట్ వస్తే నేను మిమ్మల్ని పిలుస్తాను.
రోజు మన ఆఫీసు లైబ్రరీలో చదువుకోండి , Morning and evening నా రూం కి వచ్చి  Attendence సంతకం పెట్టి వెళ్ళండి అన్నారు.హమ్మయ్య ఒక మంచి వ్యక్తి చేతిలో మన Future ఉంది అనుకున్నాను.

ఆ రూం లో నా technology మీద వచ్చిన ఇంకో ముగ్గురు (2 guys and 1 girl)పరిచయం అయ్యారు. వారితో ఏమి మాట్లాడాలో అర్థం కాక ఇలా అన్నాను , "మనం ఇవ్వాళే వచ్చాం  కదా, మనకు ఇంకో రెండు రోజుల్లొ project వచేస్తుంది అని".
వాళ్ళు పెద్దగా నవ్వి , మేము వారం క్రితం వచ్చాం అప్పటినుండి ఇలానే చెపుతున్నాడు. ఆ కనపడే చెట్టు కింద మన technology మీద ఇక్కడకు వచ్చిన వాళ్ళు ఇంకా 10 మంది ఉన్నారు వాళ్ళు వచ్చి 2 నెలలు అవుతుంది అన్నారు...........కిం కర్తవ్యమ్ ? అని వాళ్ళనే అడిగాను.వాళ్ళు చెప్పిన దాని ప్రకారం ప్రతి గురువారం మేము ఆఫీసుకి వచ్చి ఆయనకు కనపడితే చాలు. మిగతా రొజుల్లో పట్టించుకోరు.ఇవ్వాళ గురువారం కాబట్టి వాళ్ళు అందరు వచ్చారు, లేక పొతే వాళ్ళు ఎవ్వరు కనపడరు.

ఐతే నేను మాత్రం మాములుగా వస్తాను అని అన్నాను.వాళ్ళు నీ ఇష్టం అని ఒక పిచ్చ చూపు చూసారు.ఒక రెండు వారాలు continueగా ఆఫీసుకి వెళ్ళిన తర్వాత నాకు జ్ఞానోదయం అయ్యింది. నేను వాళ్ళ లో  join అయ్యాను....అనగా ఆఫీసుకి గురువారం మాత్రమె వెళ్ళాలి.

అలా నేను Bench మీద ఒక 3 నెలలు ఉండాల్సి వచ్చింది.అనగా అర్థం చేసుకోండి ......2 weeks + 10 రోజులు(out of 3 months) ఆఫీసు కి వెళ్ళాల్సి వచ్చింది.